Aktuale
Aktualitete, Lajme dhe aktivitete nga Ikre Thun
Arkëtari besnik dhe gruaja e matur
BismiLahirrahmanirrahim
Falenderimet, Lavdërimet, Adhurimet, Hamdi i qoftë vetëm Allahut xh.sh, ndërsa salavatet dhe selamet të përzemërta ia dërgojmë shëmbëlltyrës sonë Muhamed Mustafas a.s, familjes së tij, shokëve të tij dhe të gjithë atyre të cilët e ndjekin rrugën e tij deri në ditën e gjykimit. Allah na bëjë prej tyre.
Vëllezër të dashur besimtar e ju motra të nderuara, Tema të cilën fillimisht do ta përkujtoja veten time pastaj InshaAllah do t’ju përkujtoi edhe juve ka të bëjë me temën: Arkëtari besnik dhe gruaja e matur.
Vëllezër të dashur dhe motra të nderuara, nga çështjet shumë të rëndësishme që duhet ditur është edhe ajo se personat që janë arkëtar, pra që e menaxhojnë pasurinë publike janë jashtëzakonisht të vlerësuar, shpërblyer dhe të dashur tek Allahu i Madhëruar. Të njëjtën pozitë tek Allahu i Madhëruar e ka edhe gruaja e cila jep sadaka nga pasuria e burrit të saj mirëpo me maturi duke mos e tepruar dhe dëmtuar pasurinë e burrit të saj.
Pejgamberi alejhi selam ka thënë:
عَنْ أَبِي مُوسَى الْأَشْعَرِيِّ رَضِيَ اللَّهُ عَنْهُ قَالَ: قَالَ النَّبِيُّ ﷺ «إِذَا أَنْفَقَتِ الْمَرْأَةُ مِنْ طَعَامِ بَيْتِهَا غَيْرَ مُفْسِدَةٍ، كَانَ لَهَا أَجْرُهَا، وَلِزَوْجِهَا أَجْرُهُ، وَلِلْخَازِنِ مِثْلُ ذَلِكَ، لَا يَنْقُصُ بَعْضُهُمْ أَجْرَ بَعْضٍ شَيْئًا» (رواه البخاري ومسلم)
Ebu Musa el-Esh ‘ari (Allahu qoftë i kënaqur me të) transmeton se i Dërguari i Allahut s.a.v.s ka thënë: “Kur gruaja shpenzon nga ushqimi i shtëpisë së saj pa shpërdorim, ajo ka shpërblimin e saj, burri ka shpërblimin e tij dhe arkëtari (depozitari) ka shpërblimin e tij — pa iu pakësuar asnjërit shpërblimi i tjetrit.” (Transmetuar nga Buhariu dhe Muslimi)
Ky hadith na mëson se çdo njeri që vepron me ndershmëri dhe sinqeritet në menaxhimin e pasurisë, fiton shpërblim sikur të ishte vetë bamirës.
Qoftë gruaja që shpenzon me maturi nga pasuria e burrit të saj, ose arkëtari që ruan dhe shpërndan me besnikëri, të dy janë bashkë në sevapin (shpërblimin) e sadakas (lëmoshës).
Pra o arkëtar i pasurisë shoqërore, zbatoje detyrën tënde me besnikëri dhe sinqeritet se të gjitha ato para që i menaxhon, Allahu i Madhëruar ti regjistron sikurse ty ti kesh dhënë ato sadaka (lëmoshë) nga pasuria jote personale.
Këto vlera dhe mirësi nuk vlejnë vetëm për përgjegjësin financiar të pasurisë shoqërore, mirëpo për çdo njërin i cili udhëheq dhe drejton poste publike, të tillët kanë shpërblime që nuk ka fjalë që i përshkruan ato, nëse udhëhiqen dhe drejtohen me besnikëri dhe sinqeritet, mirëpo në të njëjtën kohë nëse udhëheqim dhe drejtojmë me poste publike sikurse ato shtetërore, ose civile qofshin xhamitë, shoqatat dhe organizatat e ndryshme civile, dhe nëse nuk i udhëheqim dhe drejtojmë me besnikëri dhe sinqeritet, kemi përgjegjësi dhe dënim të cilin poashtu nuk mundemi ta përshkruajmë me fjalët dot.
Lusim Allahun e Madhëruar me emrat e Tij të bukur dhe cilësitë e Tija të larta t‘na mundësoi neve, fëmijëve tonë dhe mbarë besimtarëve musliman, udhëheqjen dhe drejtimin e posteve publike dhe ti udhëheqim e drejtojmë ato me besnikëri dhe sinqeritet. Amin
Hoxhë Azir Aziri
Qendra Kulturore Islame IKRE Thun