Aktuale

Dinjiteti dhe largimi nga lypja

by:

Ikre Thun

In:

Ligjërata dhe Hutbe të shkruara

Like Up:

(0)

Like Down:

(0)

Created:

14 nën 2025

BismiLahirrahmanirrahim

Falenderimet, Lavdërimet, Adhurimet, Hamdi i qoftë vetëm Allahut xh.sh, ndërsa salavatet dhe selamet të përzemërta ia dërgojmë shëmbëlltyrës sonë Muhamed Mustafas a.s, familjes së tij, shokëve të tij dhe të gjithë atyre të cilët e ndjekin rrugën e tij deri në ditën e gjykimit. Allah na bëjë prej tyre.

Vëllezër të dashur besimtar e ju motra të nderuara, Tema të cilën fillimisht do ta përkujtoja veten time pastaj InshaAllah do t’ju përkujtoi edhe juve ka të bëjë me temën: Dinjiteti dhe largimi nga lypja.

Vëllezër të dashur dhe motra të nderuara, një nga mësimet më të vlefshme të fesë sonë është ruajtja e dinjitetit dhe vetërespektit, edhe kur jemi në vështirësi.

Islami na mëson të jemi njerëz dinjitozë, të mbështetemi tek Allahu i Madhëruar, të punojmë me duart tona dhe të ruajmë nderin tonë, sepse dinjiteti është pasuria më e madhe e besimtarit.

Pejgamberi alejhi selam ka thënë:

لَا تُلْحِفُوا فِي الْمَسْأَلَةِ، فَوَاللَّهِ، لَا يَسْأَلُنِي أَحَدٌ مِنْكُمْ شَيْئًا، فَتُخْرِجَ لَهُ مَسْأَلَتُهُ مِنِّي شَيْئًا، وَأَنَا لَهُ كَارِهٌ، فَيُبَارَكَ لَهُ فِيمَا أَعْطَيْتُهُ.

„Mos u tregoni këmbëngulës (të tepruar) në kërkim (lëmoshë a ndihmë), sepse, për Zotin, askush prej jush nuk më kërkon diçka, e unë t’ia jap me dëshirë të pakët (pa qejf), pa u bekuar ai në atë që i kam dhënë.“ (Transmeton Muslimi)

Pra hadithi na bën të qartë se Allahu i Madhëruar nuk na jep bereqet (begati) në atë pasuri që e kemi fituar nga lypja me të padrejtë.

Lypja, është haram (ndalesë e prerë) për atë që ka mundësi të punojë dhe të fitojë me nder.

Pejgamberi alejhi selam ka thënë:

عَنْ عَبْدِ اللَّهِ بْنِ عُمَرَ رَضِيَ اللهُ عَنْهُمَا، قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ: مَا يَزَالُ الرَّجُلُ يَسْأَلُ النَّاسَ حَتَّى يَأْتِيَ يَوْمَ الْقِيَامَةِ لَيْسَ فِي وَجْهِهِ مُزْعَةُ لَحْمٍ.

Nga Abdullah ibn Umeri (Allahu qoftë i kënaqur me të dy), transmetohet se Pejgamberi alejhi selam a thënë: “Njeriu vazhdon t’u kërkojë njerëzve (të lypë prej tyre), derisa të vijë në Ditën e Gjykimit dhe në fytyrën e tij të mos ketë asnjë copë mishi.” (Transmeton Muslimi)

Pra ashpërsia i poshtërimit dhe dënimit të tyre, duke i ringjallur në botën tjetër pa asnjë copë mishi në fytyrë, na bëjnë të qartë dënimin e lypjes pa nevojë.

Lus Allahun e Madhëruar me emrat e Tij të bukur dhe cilësitë e Tija të larta të na jep neve, fëmijëve tonë dhe mbarë besimtarëve musliman pasuri që na ruan dinjitetit dhe e fitojmë me të kënaqësinë e Allahut të Madhëruar. Amin

Hoxhë Azir Aziri

Qendra Kulturore Islame IKRE Thun